[فارس العايدى]

واحد مش فاهم
أنا الأديب المتفائل
منقول سنه تانيه و ناقل
الفن تالته و مش سائل
مين يا تاريخ يوقف عَجَلك

لو بالتقاضي و حيث إنه
و الفهلوه و الذي منُّه
كان ب . ألف أشطر منُّه
كان ب . ألف يا تاريخ أَكَلك

قصدي حبيب من أحبابه
فرحان بروحه و شبابه
و جزمته فاهمه شرابه
يقولي مش فاهم زَجَلَك

أقول لُه أَجِّل في ميعاده
و اعمل على استبعاده
لابد الاتنين يتعادوا
شيء يا قَتَلْتُه يا قَتَلَك
شيء : السلام للي يسالمه
عليَّ سهم الله و سهمه
لابد الاتنين يتفهموا
نهار و ليل شعري و أجلك