[ميدو الشورة]

🟠 الشيخ الحصري الله يرحمه لما زار الكويت في الستينات اكتشف وجود نسخ مزورة من القرآن الكريم اليـ هود كانوا طابعينها ودسوها بين المصاحف ..

الشيخ لقى تحريف فى بعض الآيات ، بعد ما نشروا مصاحف محرفة شكلها حلو ومذهبة ومطرزة عشان تغري الناس،
يعني مثلا الشيخ وجد (غُلّت أيديهم) تحولت إلى (عَلَت أيديهم) في إشارة إلى اليـ هود !!

ولما رجع الشيخ لمصر طرح فكرة توثيق القرآن بالصوت كاملًا على وزير الأوقاف المصري خوفًا من تحريفه ...

ومن بعدها تم فتح إذاعة مخصصة للقرآن الكريم في القاهرة
واستمرت بصوته فقط لمدة ١٠ سنين أبهر فيها المستمعين بطريقته البسيطة المميزة في الترتيل، عشان يمشي على نهجه
من بعدها الشيوخ مصطفى إسماعيل والمنشاوى والبنا،
اللي بدأوا تسجيل المصحف المرتل هما كمان.

حتى الملك سعود ملك السعودية لما دخلوا مكبرات الصوت للحرمين الشريفين أصر يكون أول حد يقرأ القرآن فيها هو
الشيخ الحصري بعد ما طلب منه وأرسل ليه فى القاهرة،
وبالفعل كان ليه الشرف بأن يكون أول من يقرأ القرآن فيها.

الشيخ الحصري هو الوحيد اللي قرأ القرآن فى البيت الأبيض والكونجرس الأمريكى، وكمان هو الوحيد اللي رفع الآذان داخل الأمم المتحدة لما جه وقت الصلاة، وقال للحضور بتلقائية
("طالما وجد مسلمون وجب وجود مصلى ووجب رفع الآذان")

رحمة الله على الشيخ الحصري