[negmat]

المشاركة الأصلية كتبت بواسطة دربوكه

الناس هنا مش مهتمه ولا بقى فى متابعه ياجماعه انا مش بتحايل عليكم المفروض فى متابعه يوميه ولكن مفيش يعنى لو وقفت السيرفر بلاقيكم ولما بيبقى شغال الكل مش بيبقى موجود

السلام عليكم اخى محمد
لا داعى ابدا لقطع السيرفر لمعرفة اهتمامنا به وبك
ففى الاول والآخر ده خدمه مجانيه منك للغلابه وده عشمنا فيك
واكيد طالما التعليقات قليله فمعنى ذلك ان سيرفرك ممتاز والناس مرتاحه له ولا تشتكى وهذا المفروض يجعلك مرتاح البال وراضى عن عملك الجيد وليس العكس
وتعرف ان ناس كثير بتدعيلك
وبعدين المنتدى ده للمهندسين يعنى ناس مشغوله طول النهار وطالع عينيها شغل انا مثلا داخل البيت الساعة 12 ليلا وبمجرد ما وصلت بادخل افتح الريسيفر واتابع على الكمبيوتر معاك وشويه وباجيب آخرى
بس انا لقيت السيرفر مفصول فإذا كنت عايز تحاسبنا على المشاركات فصدقنى هتبقى صعبه قوى فى وسط الاسبوع انما هتشوف الاهتمام اكثر يوم الاجازه وكمان ايام اذاعة المباريات
وصدقنى باقى الايام الناس مدعوكه فى الشغل انما اوعدك اننا هنحاول نستمر فى المتابعه ما تقلقشى
وبعدين تعال هنا انت مش قلت ان فيه يوزرات متثبته لناس كانت معاك ليل ونهار من ساعة ماعملت السيرفر ووقع ورجع تانى وانا منهم ؟؟؟؟
ومع ذلك انا برضه متابع معاك من منتدى للتانى
تحياتى لك يا كبير الاهلاويه و ماتنسانيش