[احمدسعد]

نبدئ على بركة الله بشرح اخر مرحلة فى البور سبلاى - الا وهى مرحلة مابعد الشوبر

سبق واتكلمنا عن خط سير الجهد بدايتا من محول ازالة التوتر الى محول الشوبر - واتكلمنا ايضا على عملية الشحن والتفريغ الخاصه بمحول الشوبر - واتكلمنا على ايسى البور ومنين بتيجى له الأوامر بالاتصال وعدم الاتصال - حتى تم تجذئة الجهد مابين ايسى البور ومحول الشوبر - الى جهود صغيره ومختلفه من حيث القيمة

نشاهد صورة لنهاية خروج الشوبر

لو لاحظنا فى الصورة حنتلاقى خلف الشوبر مجموعه من الدايودات على صف واحد - وكل دايود هنا ماسك جهد خاص به - لو احنا عدينا الديودات دى حنتلاقهم 6 - حتقولى يعنى ايه 6 - حقولك يعنى الشوبر خرج منه عدد 6 خطوط ربط فى بداية كل خط خارج منه فى بدايته بدايود او موحد سميها زى منتا عاوز - حتقولى يعنى انا لو جيت افحص فولت او جهد معين وليكن خط 12 فولت ممكن اتلاقهم على طرف اى موحد هنا - اقولك نعم تمام وكل جميع خوارج الشوبر وجميع الجهود اللى متواجده على نهاية مشط البور حتتلاقها هنا على هذه الموحدات - خودو بالكم ياخونا الكلام ده حنحتاج له بعدين - لو تأملنا فى هذه الموحدات السته سنشاهد عدد 2 موحد كبار - حتقولى ليه الموحدين دول اكبر من الاربعه - اقولك الكبير هنا صغير - والصغير كبير حتقولى ازى - حقولك يعنى الموحد الكبير بيخرج من على اطرافه الجهد القليل مثل 3.3 وجهد ال 5 وجهد 7 فولت - لاكن الموحد الصغير دائما تلاقى عليه الفولتيات العاليه مثل ال 12 و 22 وهكذا - يارب تكون وصلة المعلومه

خودو بالكم ياخونا من شئ مهم هنا دائما ماتختلف قيم الخروج من جهاز الى اخر - يعنى ايه الكلام ده - اقولك يعنى بوردة الجهاز الصينى ممكن تلاقى عليها عدد 3 خرج لجهود مختلفه فقط - واجهزه اخرى 4 - واجهزه اخرى 6 - ولاكن برغم كل هذه الاختلافات - ولاكن منظومة العمل واحد فى اى بوردة بور - مهما كبر حجمها او صغر - او زادت خطوط الخرج او نقصت - ولاكن فى النهايه لكى يعمل اى جهاز بطريقه منتظمه لابد من بوردة البور تقوم بأستخراج الجهود المطلوبه لتعمل عليها بوردة الهارد وير الخاصه به

كارتت البور اللى بنشرح عليها دلوقتى وهى خاصه بجهاز يلزمه 6 جهود مختلفه مثل 3.3 و 5 و 12 و 22 و 7 و 30 ولايمكن عمل الجهاز بنقص خرج واحد منهم - فى اجهزة اخرى ممكن تلاقى خرج البور عباره عن ثلاث جهود مختلفه فقط مثل ال 12 و ال22 وال 5 فولت - هل بوردة البور دى مفهاش مجموعة حمايه ؟ مفهاش قنطرة توحيد ؟ مفهاش مكثف كبير ؟ مفهاش ايسى بور ؟ مفهاش فوتوكبلر ؟ مفهاش محول شوبر ؟ مفهاش الخرج من الشوبر طالع على اطراف موحدات ؟ اقولك فيها كل شئ ولاكن تختلف قيمة العنصر - وايضا قيمة خروج الجهد - وذلك ليس قصر فى دائرة البور - ولاكن دى بترجع للفولت المطلوب لعمل بوردة الهاردوير الخاصه بهذا الجهاز - اذا تختلف القيم ولاكن منظومة العمل واحده

بكده قدرنا نعرف أن كل وحدات التغذية الحديثة تتفق مع بعضها البعض في الوظيفة الأساسية لها - وهي تحويل تيار المنبع المتردد ( 220 فولت ) إلي تيار مستمر منخفض الجهد - وإنتاج عدة جهود تتناسب مع إحتاجات التشغيل -

نشاهد صورة لبوردة بور من الداخل

قبل مندخل على المرحلة الاخيرة لمكثفات التصفيه وتنعيم نهاية خروج الجهود - يوجد عندى قياس او فحص جديد هنا على الموحدات او الصمامات الثنائية المتواجده بعد الشوبر مباشرة وعلى اطرافها خرج لجميع الجهود - بقيم مختلفه كما ذكرنا سابقا - ملحوظه ياخونا مهمه - لازم نعرف برغم كل ماذكرناه الا ان الجهد على اطراف هذه الموحدات او السليكونات مازالت بها بعض الذبذبات المتناوبه الخارجه من الشوبر - فهذه الموحدات عملت على تحويل هذه الجهود المناوبه الى جهود مستمره نقيه -

انا بقول كده علشان ميخطرش فى بال واحد من اخوتنا ويقول طيب ليه الجهود مطلعتش من اطراف الشوبر مباشرة على مشط البور - بقوله تم تركيب هذه العناصر من اجل استمرار واستقرار وتنقية جميع الجهود بالكامل من جميع الذبذبات الناتجه عن محول الشوبر

فحص عناصر مرحلة التقويم على البارد وفيديو خاص بمنتديات المهندسين العرب


من هنا شرح فحص عناصر مرحلة التقويم على الحامى فيديو خاص بمنتديات المهندسين العرب

انتظرونى بأزن الله تعالى مع الشرح المصور لجميع اعطال كارتة البور فقط وحصرى على منتديات كل الجميع

منتديات المهندسين العرب

احمــ سعد ــــد