[يوسف النمر]

المشاركة الأصلية كتبت بواسطة محمد الصياد

اخوانى توصلت اليوم بحمد الله الى عطل خطير فى جى ام ابو فلاشة وفتحة usb وايضا نفس العطل
موجود فى الصب ووفر مكبر الصوت وله فتحة usb ايضا وهذا العطل هو عدم قراءة الفلاشة على الجهاز
بالرغم من سلامة الرجليتور ال5 فولت فى الجهاز وحبيت اطرح الموضوع ليستفيد منه الجميع
نظرا لكثرة المكبرات الصوتية التى تعمل بالفلاشة
تم بحمد الله التوصل الى العطل بعد عناء شديد وهو فى ترانزستور طبع وهو الوحيد الموجود فى البردة
وملحوظة مهمة فى قياس الترانزستور اتضح انه سليم 100%100
وتم نزع الترانزستور من البوردة نهائيا ورقمه k622
وتم التعويض مكانه بزينر 6 فولت واحد هيرد ويقولى الترانزيستور 3 رجل
والزينر 2 رجل طيب هيتبقى رجل فاضية هنعمل فيها ايه
اقولك ياسيدى اولا الرجل الفاضية دى هى ارضى البردة وتعرفها من خلال القياس بالافو ميتر
على وضع البزر اوعلى وضع الاوم يبقى كده عرفنا ان الارضى هنتركة فاضى من غير توصيل
نيجى بقى لتوصيل الزينر ال6 فولت
اولا هتقيس بالافو على وضع 10dc الطرفين الباقين مكان الترانزيستور الفاضى كل هذا وانت موصل
الجهاز بالكهرباء هتلاقى طرف بيعطى 3.7 فولت والطرف التانى بيعطى 2 فولت فقط
سوف يتم توصيل سالب الزينر على الفولت الى بيعطى 3.7 فولت
وموجب الزينر على الفولت الى بيعطى 2 فولت
وهذة العمليه بتعطى نبضه لايسى البروسيسور ليتم تشغيل الفلاشة بكفاءة عالية وعن تجربتى الشخصيه
وملحوظة مهمة هذا الموضوع يخص جميع الاجهزة الصوتية التى بها فتحة usb
لتعمل على الفلاشة نظرا لكثرة جميع هذه الاجهزة فى اسواق العالم العربى
وتم طرح الموضوع ليستفيد منه الجميع نظرا لكثرة اعطال الاجهزة بهذا العطل
والموضوع اهداء الى اخوانى ادارة واعضاء ومشرفى اقسام المهندسين العرب
بالتوفيق للجميع