رد: بالعربى كدا .. انا مصرى ...
عم عنتر
ايه دة كله ياعم عنتر
هى بنتك خارجة تِسكر
قوم يا راجل خاف عليها
دى الشباب طمعانة فيها
تعمل ايه لو بكرة رجعت
شايلة وكسة وطين فوقيها
راح تولول زى بنتك
راح تقول الحقونى
بنتى ضاعت يا جماعة
اه يا خيبتك
فجأة قال عم عنتر
انت مالك يابن اللى
اللى جابك اللى واللى
مالك انت دخلك ايه
شيء انت ملكش فيه
هى بنتك ولا بنتى
قولت جارتى
يعنى شيء يتخاف عليه
قالى يابنى روح لحالك
انت مالك
سيبها يمكن تجيب عريس
قولت عريس هأ ها هأ
دة يبقى تيس
راح مكلبش ف اللياقة
قولت اهدا يا عم عنتر
كدة راح نعمل خاقة
فجاة قام رافه ايدية
قال يارب اعمل ايه فيه
قولت اهدا ياعم عنتر بدل ما تخسر
يابنى بلاش البرود يلا وانتر
قولت خلاص براحتك
خليك كدة زى الحصاوى
بكرة راح تسمع حكاوى
لا وايه هتتقلب لسة بغناوى
قالى اخرس
قولت هخرس
ما اللى زيك شكله غاوى
قال بلاوى
قول طيب يابو خيبه
اللى زيك الرجولة عنده عيبة
حبة دخلت ست بطة مدام سي عنتر
قالتلة مالك يابو ليلة
انا قولت فى عقل بالى هيلة
قصدك تقولى أُم ليلة
قالها حاجة غريبة
تعالى شوفى المصيبة
قولت يا عالم ياهوووو
شكلكم بعتو القضية
ياميت ندامة على الرجولة
دة اللى فى عروقكم دة ماية
زعقت بصوتها المفترية
قالتلى عايز ايه يافندى
قولت اسف الحق عندى
قالتلى طب ما تروح لحالك
انت مالك ...
قولت حاضر دى خيبتكو هندى
وراح مبرطم عم عنتر بالاوندى
حبة شفت ليلة جاية ولبسها كلة احترام
ياسلام
اللى مايعرفش ليلة يقول دى زفة
والراقصة فى الامام
والله معزورة الشباب
والاسلام بقى فى التمام
ياكل عنتر فى البلد
يابم الولد
خلى رجولتك تتولد
سيب نخوتك تظهر ياعم
هو ايه مبقاش فيه
دم
|