[مدحت الجزيرة]

جزمة ولا صاروخ

يا ابوبدلة يامنفوخ ع الفاضي
وعاملي ع العالم قاضي
وبتحكم بشريعة الغاب
وتهد على الناس الأبواب
في كل مكان في المعمورة
نافخ لي بالونه وكورة
وتفرقع بمب وصواريخ
طايشة تعمل طاخ طيخ
وبتزعم نشر الحرية
وف سمك تعبان أو حية
مر تزقة .. في وسط أسود
وفاكر ان نظامك هيسود
صواريخك لعبة أطفال
طيرانك مايهز مجال
ورجالك بمبة تخوفهم
وحجارة أطفال ترجفهم
فاشلين مطرح ما يروحوا
وتاريخهم ما يداوي جروحو
وبتنفخ فيهم ع الفاضي
والعالم عنك مش راضي
مش داري إنك مغرور
والدايرة على غرورك هتدور
مش عارف إن الغلبان
مش خايف سجن وسجان
والجزمة خلالها تاريخ
فوق راسك زي الصواريخ
مقاسها ضعف العشرين
واندفعت فيها ملايين
عارفة طريقها على فين
بيوجهها حقد دفين
بتلاعبك أقوى استغماية
وتوطي خايف بعناية
الأولى أهي رايحة لوشك
بتقول لك روح كن ف عشك
بالعربى كداااا
انا مصرى