[مدحت الجزيرة]

عم جمعة

عم جمعة ده راجل بقال
كل يوم تلاقيه ف حال
مرة يكسب 5 جنيه
ومرة يكسب 10 جنه

عم جمعة ده راجل امين
تشترى منه الحاجة بقلب متين
عشان كده لا يخاف لا صحة ولا تموين

عم جمعة ده راجل نضيف
لا يعرف لا غش ولا تزييف
نشترى منه جبنة وحلاوة
ونشترى كمان البولوبيف

عم جمة يصرخ وينادى
امشى يا واد انت م النحية دى
العب بعيد عن دكانى
ده جواه رزقى ورزق عيالى

عم جمعة الساعة 2
يجيلوه بالغدا ابنه حسين
بطاطس وبتنجان مقلى
والحلو برتقانتين

عم جمعة ده راجل غلبان
عنده 7 من الولد يا عينى
منهم احمد وزينب وعتمان

عم جمعة يروح بيته
عايشة معاه امه وحماته
زى الديوك ناقر ونقير
والله كفاية عليه مراته

عم جمعة ينادى يا لوزة
قومى قوام هاتيلى الجوزة
اخدلى نفسين معسل
وبعدها امدد واعسل

عم جمعة ده حكايته حكاية
كل يوم قصة ورواية
وهنعمل معاه ايه
ده حكايته حكاية

وبكرااا من تانى
اقابلكم
تحيتى