عروستى
الحلوه كبرت وأنا عاشق وكلى غــــــــــــرام
نظرة عنيها أمل وسكوتها كله كــــــــــــــلام
تنطق عنيها نغم أما الشفايف صـــــــــــــمت
وسألت عن مهرها قالوا مش أرقــــــــــــــام
الحلوه دى مهرها مصنع يكـــــــــــون شغال
ويغنى صوت المكن يوم الفرح مــــــــــــوال
وانسج خيوط الأمل فستــــــــــــــــان لزفتها
واكتب غناوى ليها أحلى كـــــــــــــلام يتقال
والشبكه تبقى ترعه محفوره فى الصحــــرا
تروى الغيطان والشجر تبقى جناين خضرا
تطرح فروع الشجر فاكهـــــــــــــــه وضليله
يحلى القعاد تحتها والضجه والســـــــــــهره
وجهازها لازم بقا يكـــــــــــــــون من الغالى
أسطول بيرمى الشبك والبحـــــــــــــر بيلالى
يطلع سمك فى الشبك يرقـــــــــــص وبيغنى
ويقول أنا جيت ليكم طـــــــــــــــوبى هنيالى
وابنى ليها شقه أبنيها بالإيمــــــــــــــــــــان
طوبه تكون بالرضا والتانيه تبقى حنــــــان
خلى المحبه أســـــــــــاس زود ليها المونه
لكل مبنى عمد وضميرك العمــــــــــــــــدان
شربتها نستخرجه بترول مــــــــــــن الآبار
والبسمه هتكرره وتقدمه للجـــــــــــــــــــار
الجار يدوق شهدها يخلــــــــص لها وده
ويعيش على حبها ويقول لها أشعـــــــــار
يوم الفرح هعمله ليله ألفين شـــــــــــــهر
طير السما وقتها هيقول قصايد شــــــــعر
إسم العروسه
مـــرح صـــمود رفعــه
دى أولى حروف إسمها
تبقى العروسه
/
/
/
/
/
مصر