هى دى بنتى الوحيده
هى دى بنتى الوحيده
اللى حببتنى ف البنات
هى دى اللى هناك بتجرى
هى دى اللى هناك بتلعب
هى دى اللى هناك بتضحك
ولما روحى منى تتعب
تملى قلبى بالحاجات
هى دى بنتى الوحيده
اللى حببتنى ف البنات
هى دى اللى ف ايديها قصه حلوه
بس من خارج المقرر
هى دى قبل ما الجهل
اللى ف المنهج يقرر
يقتل الروح البرئيه
بالكتب والكرسات
علموها ف المدرسه ترطن لغات
وتحفظ النص الغبى
وتشرح معانى مفردات
وترتعش ايديها فوق ورق اجابه
لما تعرف ان ممكن حلمها
يضيع منها على ربع درجه
هى دى اللى هناك بتقرا
فى كتب التاريخ
عن معجزات
وتبص ع الدنيا تلغبطها الحقيقه
لما تلاقينا كلنا مطرودين م التاريخ
خارجين من الكل البوابات