انا مصرى
انا مصرى وفرعون اصيل
متربى وشارب من النيل
راح اقول الصدق انا ولا اغير
وانا عندى لكلامى دليل
انا مصرى وفرعوى اصيل
علمتينى اكون انسان
صوت الحق فى وشى يبان
عن ارضك حاكتبلى ديوان
وحادندن واكتب مواويل
انا مصرى وفرعونى اصيل
وقت الشده بتلقى ااسود
قوه وعزم تخطى حدود
ودا حقك راجع مردود
فى رقبتى كان ليكى جميل
انا مصرى وفرعونى اصيل
على ارضك انا رافع راسى
باتباهى بمفتاحى وفاسى
انا عايش بين اهلى وناسى
واساسى جامد ويشيل
انامصرى وفرعونى اصيل
مين يستجرى يخطى لارضك
داحنا ولادك دمنا دمك
حاميين دارك شايلين همك
مهما نضحى دا برضو قليل
انا مصرى وفرعونى اصيل
بين صحاريكى فى حضن غيطانك
ا رضك صلبه وحافظه مكانك
وكيانى بيكمل بكيانك
وطريقى ينور قناديل
انا مصرى وفرعونى اصيل
كل العالم يشهد ليكى
وقت الصعب تمدى ايديكى
يابلادى ودا احلى ما فيكى
حضنك طيب ما لو مثيل
انا مصرى وفرعونى اصيل
ومهما اطوف العالم بارجع
واما افارقك عينى تدمع
وبلملم فى حنينى واجمع
وباعودلك من بعد رحيل
انا مصرى وفرعونى اصيل
شعر من كلمات ممدوح بدوى
الشرقيه فاقوس جمهورية مصر العربيه
|