مشكلة فى ترومان 1000 hd
 

السلام عليكم

اشتريت ترومان 1000 HD ولاحظت ان جودة صورة القنوات حتى ال HD ضعيفة وفيها اهتزاز ( بكسلة ) لما الصورة تتحرك ( Motion )
زى مثلا لو فيه ماتش والكاميرا بتجرى مع اللعيبة ، أو فيلم حركة ، أو اى مشهد فيه حركة للكاميرا ، حتى فى قنوات ال HD ( مع الفارق طبعاً ) بلاقى الصورة بتبكسل وجودتها بتقل كتير
مع العلم ان كان عندى قبله ترومان 9090M وكانت المشكلة دى مش موجودة ( والتليفزيون بتاعى زى ما هو ماتغيرش )
وعلى فكرة انا مظبط الدقة ( Resolution ) بتاع الريسيفر بما يتناسب مع التليفزيون 1080i 25

وكمان لاحظت ان قوة الاشارة ( اشارة السلك ) ضعيفة ومش بتعدى ال 57%
على الرغم من ان جودة الاشارة عالية فى كل القنوات ومعظمها بيعدى ال 90% ، مع العلم ان الطبق مظبوط كويس ، ومع تجربة أكتر من ريسيفر منهم ال 9090M القديم بتاعى وبتكون قوة الإشارة بتاعة السلك اعلى من 70%
فهل مشكلة التيونر دى ليها علاقة بجودة الصورة أثناء الحركة ولا لأ ؟
وهل مشكلة التيونر والصورة دى سببها ضعف فى هاردوير الموديل ده بصفة عامة ؟ ولا مشكلة فردية فى جهازى أنا ؟ علشان الحق اتصرف

الكلام ده كله ممكن ناس كتير من اللى عندهم ترومان 1000HD ميحسوش بيه ولا يخدوا بالهم منه ، خاصة طبعاً لو كانت المشكلة دى فى جهازى انا بس ..
وعلشان كده استفسارى ده للسادة المتخصصين لأنهم طبعاً على دراية كاملة بالتفاصيل الصغيرة بتاعة الصورة والجودة والكلام ده ، لأنها مهمة بالنسبة ليا وبتفرق معايا أوى ..
بالمناسبة انا منزل آخر سوفت للجهاز 1.2.11

آسف على الإطالة ، وأرجو ان السادة الأفاضل القائمين على المنتدى يفهموا قصدى ويجاوبونى بمصداقية ، لأنى من المعجبين والمتحيزين جداً لأجهزة الترومان ..
وعلى فكرة الجهاز ممتاز فى كل حاجة عدا المشكلتين دول ( التيونر ، جودة الصورة المتحركة ) ومش مشكلة أوى موضوع التأخير فى التنقل بين القنوات ..

انا منتظر الرد والإفادة بفارغ الصبر ، وألف شكر على كل حال

رد: مشكلة فى ترومان 1000 hd
 

اخي الكريم
بالنسبه لموضوع التيونر فكل جهاز مختلف عن الاخر حسب نوع التيونر وحساسيته .
اما بخصوص الصوره فالجاز المذكور تمت تجربته من فتره كبير اول ما نزل التوكيل والجهاز كان شغال عادي مفيش فيه اي مشكله وكان شغال عندي علي 1080p 60 راجع التوكيل ممكن تكون مشكله بجهازك

رد: مشكلة فى ترومان 1000 hd
 

بارك الله فيك أخي الكريم

رد: مشكلة فى ترومان 1000 hd
 

الف شكر لحضرتك لاهتمامك بالرد
بس عندى كام سؤال كده ..
بالنسبة للتيونر بتاع الجهاز ده اخباره ايه معاك ؟
واشارة قوة السلك بتوصل عندك لحد كام ؟
وهل قصدك ان جودة التيونر ممكن تفرق من جهاز للتانى فى نفس الموديل ؟ ولا الاختلاف بيكون بين موديل والتانى ؟
آسف على الإزعاج .. وشكراً لحضرتك على أى حال .

رد: مشكلة فى ترومان 1000 hd
 

اخي الجهاز كان شغال معايا ولم انتبه لمعدل الاشاره
اللي اقصده ان كل موديل مختلف عن التاني حسب نوع التيونر في كل موديل