عطل فى شاسية صينى
 

السلام عليكم ورحمة الله وبركاتة
اخوانى مهندسين واعضاء المنتدى الاعزاء عندى شاسية تلفزيون الرغدان لمبة البيان شغالة لكن مش راضى يشتغل مع انى غيرت الفوتو كبلر وترانزستور a1015 وترانزستور c1815 وبور الاين واى سى الفرتكل والمقاومة اللى بجوار الاين رقمها على الشاسية r491 وغيرت الايبروم بواحد مشحون وغيرت ترانزستور 772 وتم تغيير ترانزستور بجوار بور الكهرباء رقمة 3807 وتم المراجعة على جميع المقاومات مع وجود فولتيات على الشوبر بس للاسف مقدرش احدد الجهد لانى مبتدا شويا ومعرفش هو جهد الكهربا يقاس من بعد الشوبر على طول ولا من بعد الموحدات وهل هو بيتقاس على وضع ac ولا dc مع العلم اللى سسبب العطل هو البوط كانت الشاشة ملمومة شوية جيت اوسعها من البوط ضرب البور وترانزستور الى جنب البور وثلاث مقاومات وترازستور 772 فأرجو المساعده وآسف على الاطالة .

رد: عطل فى شاسية صينى
 

رد: عطل فى شاسية صينى
 

عزيزى .....هذه دائرة باور صينى لتسهيل الامر عليك
اتبع الاتى حتى تقوم بحصر العطل
1- قس على المكثف العمومى جهد ال300 فولت اولاً ( المشار الية باللون الازرق )
2- قس خرج دائرة الباور من النقاط المحددة بالدوائر السوداء
3- عند غياب أحد الجهود عليك بفك ( لحام )دايودخرج الباور بعد الشوبر و قياس الفولتية .. إن وجدت الفولتية بعد تفريغ ( اللحام ) إذا هناك ( شورت فى هذا المسار)
4- فك أطراف اليوك من البوردة و حاول تشغيل الجهاز لو اشتغل بدون يوك يبقى اليوك محروق و يلزم تغييره
من الممكن ان يكون الشورت على خط 110 مثلاً موجود فى اللاين أو اليوك أو ترانسيتور الحافز الافقى
من الممكن ان يكون الشورت بعد الللاين مثلاً موجود فى آىسى الفيرتيكال نظراً لان تغذيتة تأتى من اللاين
أو من دايود الحماية 7805 الموجود بجوار آىسى السوفت
قد تكون فتيلة الشاشة غير مضاءة نظراً لغياب جهد ال12 فولت أو تالفة
على العموم
إذا كان الجهاز بيقوم معاك ( هاى تينشن ) خرج اللاين يعمل بدون وجود صورة ممكن تكون مشكلة فتيلة الشاشة اما إن لم يكن خرج اللاين موجود شوف الجهد الواصل الى اللاين حوالى 90 فولت لو لم تجد هذا الجهد تتبع مسار دائرة الباور
و إذا كان المسار سليم ( فك لحام طرف تغذية اللاين و قس الجهد ...ولو وجدت الجهد بعد فك لحام اللاين يبقى اللاين تالف


ربنا يوفقك و تبقى وافينا بالنتيجة و كلنا تحت امرك

رد: عطل فى شاسية صينى
 

الله ينور اخوانى لمتابعه الرائعه