جميل اوى الكلام ده
 

عنى مفيش حد بتحبه؟

انت عارف كل واحد بتاع مصلحته
حتى لو فيه حد هيجى وقت هينشغلوا
و هيتخنقوا منى


ليه انت شايف انك وحيد
فيه حب كبير مستنيك
حب مفهوش خيانة
و لا خداع و غش
مفهوش كذب
فيه حب عميق
فيه امان و انس

لو حبيت ربنا
هتلاقى ربنا كمان بيحبك
ربنا قال كده فى حديثه القدسى

انت هتقول برده ربنا
الكلام ده سمعته قبل كده

اه سمعته لكن فكرت فيه؟
او حاولت تجربه؟

بصراحه لا

طيب هقولك الدليل
ان الكلام ده هيجيب نتيجة و نتيجة هايلة كمان

ربنا اسمه ودود
يعنى بيحب يقربلك
بيحب اللى يحبه
و بيحب يخليه قريب منه
من الاخر بيتودد لعبده
بيلاقى من عبده رجوع و عودة
بيلاقيه عايز يرجع و مش عارف الطريق منين
بيلاقيه حيران
بيساعده
بيبعتله كذا وسيلة تساعده

مش مصدق
طب ما انت اهو بنفسك
بيحصل معاك كده

انا؟
اه انت

مش انت لسه بتقولى مخنوق؟
اه

طيب مش انا دلوقتى بكلم معاك
و بحكيلك حقيقة ربنا و حقيقة علاقة ربنا بيك
ربنا بعتلك ده وسيلة ليك
و انت عليك انك تفهمها صح
حل مشكلتك فى انك تقرب و تحب الله عز و جل
تجرب مره الحكاية ده