المهندسين العرب - هيصة يا جدعان

هيصة يا جدعان

بيقولوا برعي ابن تفيدة ........... خلص عقوبة التأبيدة
وجاي عايز يترشح ........... هيصة يا جدعان
وأبو كارو قالوا باع غيطة...........والكارو كان ساتر بيتة
وجاي داخل بطقيته ...........ضد ابو قردان
وابو جزمة داخل بالجزمة ...........بيقول دي ناس ملهاش لزمة
و احنا اللى هنحل الازمة........... بنفسين دخاااااااان
عن نفسي هدّي لابو دومة ...........ده رمزة فيل وبزلومة
أينعم تشبهله البومه ...........لكن غلبااااااااان
بيقولوا اطرش ميهمش ...........وألدغ واخنف ميهمش
أهم شئ انه يطبش ...........ميكنش جباااان
اصل احنا شعب الشيكا بيكا ........... البرعي بنقوله يا ويكا
هل بت ناكلوا معاك كيكه...........ولا بتنجاااااااااااااااااااان
سمعتوا اخر صيحاته ...........بيقولوا بيبيع معزاته
بيعلق اليافطة بذاته........... فيه كدا إنســــان...؟
طيب طظ فى الراجل فيكم ...........وطظ في اللى هيديكم
عملتوا ايه للزويادي ........... يا شلة خرفان
بتعزوا بس وفى الزحمة ...........تلهوا الغلابة باللحمة
وتحطوا عالشيشة الفحمة...........وشد يا خَرمان
واخرتها ينجح بكابظة ........... يدبح لاهله كام وزه
وإرضع يا فقري من البزة ........... وشلح عريـــــــــــــــــــان
والطشت فين راح المجلس ...........الطشت فين كان في المجلس
الطشت نعسان فى المجلس........... وعليـــــــــه دباااااااااااااااااااااان
انا عندي فكره إنما طازة ...........ايه رأيكم في الواد ظاظا...؟
ابن اخت باتعه الكالاباظه ........... بنت الكحياااااااااان.......!!!!
هو اللى هيقوم القومه ...........وهيجي سكة مع ابو دوة
والناس هتطلع بالشومة ........... تقوله يا فناااااااااااااااان:::
أصل إحنا شعب الشيكا بيكا ...........البرعي بنقوله يا ويكا
هل بت ناكلوا معاك كيكه...؟...........ولا بتنجان.....؟

بقلم الشاعر/ امين مراد