المهندسين العرب - الى حسنى مبارك

الى حسنى مبارك

أسفين يا ريس أنت السبب فى اللى كان
تركتنا لحيتان حواليك من أكلى لحوم الانسان
تاكل وتمص فى دمنا ولا تعرف حلال من حرام
وتحت حمايتك وحصانتك اذدادوا ظلم وطغيان
كان مفروض تحمى شعبك مش تحمى الشيطان
غمضت عينك عننا وعشنا معاك فى ذل وهوان
كتبوا علينا الجهل والفقر ومنعوا عنا حتى راحة البال
ياما بسببهم ولادنا جاعواوالليل علينا طال
باعوا واشتروا فينا ولو قلنا أه امروا بقطع اللسان
قلنا فينك يا ريس وصوتنا راح من كتر السؤال
عملوا بينا وبينك سد وبنوا بينا وبينك جبال
ضحكوا عليك لما قالوا ان الشعب فى احسن حال
ضحكوا عليك لما قالوا ان شباب مصر لسه عيال
ضحكوا عليك لما قالوا الشعب بيدعيلك مع كل اذان
ضحكوا عليك لما قالوا الحكم من بعدك لابنك جمال
اسفين يا ريس احنا مش ميراث يتورث مع المال
احنا المصريين ويشهد التاريخ اننا طول عمرنا ابطال
لا يوم رضينا بالظلم ولو حتى ليل الظلم طال
ولما ينفجر بركان غضبنا مفيش امامنا شئ محال
كان لازم نثور ونقول للظالم كفايه ظلم وطغيان
كان لازم نثور فى وجه كل طاغى ونحقق الاحلام
كان لازم صوتنا يعلى ويعلى فى كل مكان
حان الاوان نعيش بكرامتنا حان الاوان
حان الاوان نعيش فى بلادنا اعزه كرام
حان الاوان نتهنى بخير بلادنا ومفيش حد ينام جعان
يعنى اسفين يا ريس لازم تغيير النظام
ثورتنا للحريه ثوره سلميه لاسترجاع كرامة الانسان