المهندسين العرب - قصيده بعنوان احبك

المهندسين العرب (http://www.mohandsen.net/vb/index.php)

- قسم خاص بكتابات شعراء المهندسين العرب (http://www.mohandsen.net/vb/forumdisplay.php?f=596)

- - قصيده بعنوان احبك (http://www.mohandsen.net/vb/showthread.php?t=249102)

قصيده بعنوان احبك

أحبك

أحبك مو لأن انت حلو..لا
لأن روحي التقت كًبلي ولك بيك

اذا انت تمر عالأعمى يصيح الله
والاخرس لوًن حاجيتة يحاجيك

أذب كًلبي اعله سهمك وآني مجروح
وأكًلك دير بالك خاف أأذيك

إجرحني ولك بس كون علكيف
لأن انت اويه دمي وخاف أبديك

إجرحني ولك بس كون ماموت
حتى من يتهموني أبريك

عالمراية اوكًفت ماشفت وجهي
شفت وجهك حبيبي وكًمت أحاجيك

واتضح بمرايتي وجهك مرايات
وتباوع وجهه مرايتي بيك

بكًذلتك شِدْ ركًبتي وطلًع الروح
اريدنها بعد تتقرب اعليك

انت بحضني بس أعتبرك بعيد
اريدن هيج كون آني انخبط بيك

بيا شارع مشيت إكًبالي الكًاك
أفوت بغير شارع هم الاكًيك

أرد للبيت كًبلي الكًاك بالباب
أطب وتكًلي صار هواي أتانيك

بغيرك فكرت كًلت حتى انساك
طلع غيرك يشبهك فكرت بيك !!

رد: قصيده بعنوان احبك

ارجو ان تنال اعجاب الاعضاء

رد: قصيده بعنوان احبك

رائـــــــــــــــــــــــــــــــــــــــــــع

رد: قصيده بعنوان احبك

رائـــــــــــــــــــــــــــــــــــــــــــع

رد: قصيده بعنوان احبك

قمه الروعه والجمال اخى الكريم