المهندسين العرب - اسباب لف الفيد في وضعيه اخري داخل العدسه علي نفس التعديل

السلام عليكم ورحمة الله وبركاته

طابت اوقاتكم بكل خير

الفيدات المصنعه من الالمونيوم مهمه جدا في منظومه ظبط الاطباق الدائريه او المسماه العميقه
لكن بنلاحظ اننا بنستقبل ترددات معينه في وضعيه معينه للفيد ولما نلف الفيد في وضعيه اخري داخل العدسه علي نفس التعديل بتستقبل تردد جديد ولما نلف الفيد كمان مره بنستقبل تردد اخر لم نستقبله من قبل والناس تحتار ليه وايه السبب؟
اقولك انا ياسيدي
مفيش فيد مهما اوتي من قوه انه يجيب كل الاشارات المعكوسه من الطبق
فيه فيدات بتركز علي منطقه وسط الطبق وفي فيدات مصنعه بتركز علي تلتين الطبق من الداخل
وفيه فيدات بتركز علي الثلث الخارجي والحواف وهكذا ومش معني كده انها لما تركز علي جزء بتهمل باقي اجزاء الطبق. لا بس مش بتستقبل الاشعه بنفس الكفاءه
نيجي بئه للنقطه المحوريه.
وانت حضرتك بتلف الفيد لوضعيه جديده حضرتك استقبلت شعاع من الحرف او من جزء من الطبق الفيد مكانش شايفه وهكذا .وده مش شطاره من فني الفيدات .لا دي جايه بالصدفه اقسم بالله ماحد له دخل فيها .
طيب جرب تلف الفيد بوضعيه اخري هتلاقيك استقبلت ترددات اخري وهكذا.
حبيت ارد بس باسلوب علمي ليه لما بنلف الفيد بنستقبل تردد معين.
ملحوظة

لف الفيد داخل العدسة واختلاف الاستقبال مع كل لفة
ده وارد وطبيعى.
بسبب عدم استقامة زور الفيد مع امتداد زور العدسة الأصلية فبنفضل نلف الفيد على ترددات معينة ونتابع الإشارة إلى أن تصل لأفضل لفة للفيد داخل العدسة وبكده هتقدر تستقبل كل المتاح تقريبا
بالنسبة لشكل وتصميم الفيد لم نصل إلى الآن إلى الشكل الأفضل والامثل لاستقبال على اى طبق