|
اروع ما كتب بيرم التونسى من قصائد عاميه
كود:
1احوال العربمن قبل مااكتب أنا عارف القــــــول ضايــــع والأجــر بالتأكيد ذاهــب حسب الشـايـــــع والشتــم حايجينى مسوجر من واد صـــايــع مهما انكويت بالنار والزيـت برضــك فنــــــــان ************ يا مصرى وانت اللى هاممنى من دون الكل هزيـــــل ويحسبك الجاهــــل عيّان بالسـل من دى الكيــوف اللى تصبّر على كثر الذل ونمــت والعالـــــم فايـــــــق قوم بص وطـلّ وشوف الشعوب واتغص ودوب وارجع انسان ********* واللى اّلمـــــنى وبكّـــــانى انت ياشــــامى ع الأكل نازل طول عمــرك بارد حـــــــامى وقـــلت لى لمّا نهيتــــــك مصرى حـــرامى لحـــد ماالجزّار خــــلاّ جرحـك د ا مــى والله الخروف سايب معلوف مايفوته جعـــان ********* والمغـــربى المسلم راخر أبو زر فاشـــــوك لما انتقدتــه فزع قــال لى يلعن .... بــــوك ونا اللى قصدى أشوف قيده ...يصبح مفكوك لقيته فرحـان به راضـــــى طيّب .. مبـروك خليك فقيــر دق البنديـــر وكل التغبــــان ********* روح العراق راخر قول له كيف الأحــــــــــــوال لامتى تفضل يا أخيينــا بحزام وعقــــــــــــال ما تعرف الجاز بستعمـل غير للمشعـــــــــــال ألطــم بقى وقول ويّايــا الجاز أمــــــــــــــوال واوعى المداس يفلت تحتاس وتقول لى أمان *********** يا شرق فيك جــو منّـــــور والفكر ظـــــــــلام وفيــــــك حراره ياخسـاره وبرود أجســــــــام فيـــك سبعميت مليون زلمه لكن أغنــــــــــــام لا بالمسيح عرفوا مقامهم ولا بالاســــــــلام هى الشموس بتخللى الروس كداهو بدنجـان ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ كود:
الاهاتاه من لقاك فى اول يوم ونظرتك لحب بعينك خاصم عيونى ليلتها النوم وبت اسأل روحى عليك يا هلترى راح يعطف على فؤادى متلهف تقول لى روحى ... اه العقل ياربى ضامع ومتبرد والقلب فى جنبى يسكت ويتنهد اه من لقاك فى اول يوم ومن رجايا ومن حبى اه واه لما يلفت امالى وفرحت بك والجو صفا لى ومليت كاساتك وسقيتها لى اشرب بأيدى كاس يروينى واشرب بأيدك كاس يكوينى بات السرور كله بينى وبينك متقسم والزهر ويانا ينظر لنا ويبتسم والطير يغنى لى والموج يقول وياه ... اه يادى النعيم اللى وجدناه واللى دخلناه...اه واه لما منعت ودادك والانس ده اتبدل ببعادك غالطت حسادى وحسادك اصبرواتظاهر بالفرح والبهجه والصبر فى الظاهر والمر فى البهجه تعالى شوف الطير اهو نام من قبل وقت النوم االظلام واتبدل الزهر اللسام لا عطر ينعش ولا انغام ده الانس كان انت والانسجام انت والزهر كان انت والابتسام انت ما احسبش ده كله فى يوم يضيع منى واجرى وراء ظله اللى ابتعد عنى ما تقول لى فين انت اه ناسينى اسست وهديت اه ياللى عمرت واخليت اه ياللى اضحكت وابكيت اه من رضاك وصدك اه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ كود:
الأوله أه . والتانية اه . والتالتة أهالأوله أه . والتانية اه . والتالتة أه ------------ الأولــــة: مصر؛ قالوا "تونسي" ونفوني و التانية: تونس؛ وفيها الأهل جحدوني و التاتلة: باريس؛ و في باريس جهلوني ========= الأولــــة: مصر؛ قالوا "تونسي" ونفوني -- جزاة الخيـر و التانية: تونس؛ وفيها الأهل جحدوني -- وحتى الغير و التاتلة: باريس؛ و في باريس جهلوني -- ونا موليـيـر ========= الأولــــة: مصر؛ قالوا "تونسي" ونفوني -- جزاة الخيـر -- واحسانـي و التانية: تونس؛ وفيها الأهل جحدوني -- وحتى الغير -- ما صافاني و التاتلة: باريس؛ و في باريس جهلوني -- ونا موليـيـر -- في زماني ========= الأولــــة: شربتنـــــي من فراقـــها كــــاس -- بمــرارة و التانية: اه فرجتنــــي عالجمــــال ينداس -- يا خسارة و التاتلة: يا ناس ياريتني كان لي فيها ناس -- وإدارة الأوله أه . والتانية اه . والتالتة أه ========= الأولــــة: أشتكيها للي أجــرى النيــل و التانية: لطَّشْتْ فيها ممتثل و ذليـــل و التاتلة: بدمعي عليها غرَّق الباستيل الأوله أه . والتانية اه . والتالتة أه ************************** العامل المصري ليه أمشي حافي. ونا منبت مراكيبكم ليه فرشي عريان, ونا منجد مراتبـــكم ليه بيتي خربان, ونــــا نجار دواليبـــكم هي كده قسمتي ؟ الله يحاسبكم ---------- ساكنين علالي العتب, وناللي بانيهــــــا فارشين مفارش قصب, ناسج حواشيهـا قانيين سواقي دهب, ونا اللي ادور فيها يارب مهوش حسد لكن بعاتبكم --------- من الصبـــــــح للمسا؟ والمطرقة فيدي صابر على دي الأســا! حتى نهار عيدي ابن السبيل اتكسى, واسحب هرابيدي تتعروا من مشيتي وأخجل أخاطبكم --------- ليه تهدموني ونــــــاللي عزكــــــــم باني أنا اللي فوق جسمكم قطــــني وكتـاني عيلتي في يوم دفنتي مالقيتش اكفاني حتى الأسية. ونا راحل وسايبكم ************************** دوسيهات الدواوين في دي الدوسيهات أشغالك وأشـــــــغالي بقى لها خمسين سنة في وضعها الحالي فيها معاش أرملة قالــــــت يابو عيـــــــالي وعرضحــــــال شاب بائس م العمـــل خالي و مشكلة وقف فاتها خورشــــــــــيد الوالي حاططها صاحبـــــــــك وبيقول لك ونا مالي دا حسني بيه المديــــــــر العام باعتها لي و لسه عايزالها إمضة مستشــــــــار عالي و لا حاتنزل على الأرشيـــــــــــــف طوالي أدي النظـــــام اللي خارب بيــــــــت مالي و مركــــــب الفقر أمثــــــالك وأمثــــــــالي ************************** في الطريق أربع عساكر جبــــابرة يفتحوا برليـــــــــن ...... ساحبين بتاعة حلاوة جاية من شربيـــــــــــن شايلة على كتفها عيل عنـــــــيه وارميـــــــن و الصاج على مخها يرقص شمال ويميـــــــــن إيه الحكاية يا بيه؟ جال ... خالفت الجوانين ؟ اشمعنى مليون حرامي في البلد سارحين ! يمزعوا في جيوب ويفتحـــــــوا الدكاكــــــين ؟ اسأل وزير الشون والا أكلـــــــم ميـــــــــــن ! ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ كود:
باريسباريس تقول قصّروا الفساتين00نقصرها ترجع تقول طّولوا 00 حالاً نجرجرها و في الشتا - قوّروا القمصان00نقورها و في الصيف زرّروا الأرّواب000نزررها و تقول باريس أحلقوا الشنبات ، نحلقها و تقول لنا الدقن مودة اليوم ، نلزقها و تقول لنا استعملوا الشورتات ، نسبقها و تقول كمان اقلعوا الطرابيش ، نكعورها و تقول ((فيينا)) ارقصوا00نحيّ ليالينا و تقول ((موناكو)) العبوا00نفتح نوادينا و تقول ((جلاسجو)) اشربوا،نسكرلهاطينة و الخمرة قال مش حرام و الجوزة نكسرها عميان و عايزين لنا مجانين تسحبنا و لو يخوضوا بنا الأوحال يعجبنا مين شاف خلافنا أمم بتحب جزارها يارب تسلم باريس و تصوم وتصلي و تكون موضتها سبح ولاّ طرح تلي عشان ما تصبح سعاد وأم الهنا و نيللي غير ربنا ذو الجلال ما يشوفش ضوفرها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ كود:
قال ايه مراد ابن ادمقلت له: طقه قال: إيه يكفي منامه؟ قلت له: شقّه قال: إيه يعجّل بموته؟ قلت له: زقه قال: حـد فيها مخلّد؟ قلت له: لأه قال لي: ما دام ابن آدم بالصفات دي نويت أحفظ صفات ابن آدم كل ما اترقى ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ كود:
عقلى ملخبط يالخلايق وعنيا مزغللينعقلي ملخبط يا خلايق ......... وعنيه مزغللين من نسوانك يا فرنسا ........ البيض العريانين اشمعنى قفاهم ابيض ....... وقفايا زي الطين وانا ناشف ليه ومعضم .... ودولاته متختخين يا خالق الصعايده .......... عفشين ومعصعصين وعاطيهم نسوان عيضه ... ناشفين ومقشفين هههههههههههه يقصد صعايده مصر فلاح مجاور فتح خطيب مأذون يجوزك بالمقاوله ولا بالعربون شاف الوظايف حقيرة والمهايا دون قال كل مكسب عند العرب صابون ـــــــــــــــــــــــــــــــــــــــ ايام ما كانت الحريم خلف الستار مصون كان اي واحد جهول يفتح خطيب مأذون يجوزك بالمقاوله ولا بالعربون وانت وبختك يا تسعد يا تلاقيها دون ــــــــــــــــــــــــــــــــــــــــــــــــــ ـــــــــــ في ليلة الدخله لبساله القميص ستانيه والسنتيان فوقه والبالطو القطيفه عليه اسود طويل للقدم تفصيل كمال وآديه بكرك ابيض عريض والصدر بالكبسون صبح العريس يلتقي الراجل بيستنظر عايز الحلاة خروف يتحط في انجر ضحك وقاله : نهارك يا عريس ازهر هههههههه قاله : نهارك زفت متقطرن يا شيخ ينسون قال المجاور ما دام مانتش بقى مبسوط لا الباب مسمر ولا حبل الحمار مربوط طلقها حالا واجبلك مرة بشروط ترضيك ومقصودي انك تيجي عندي زبون ههههههههههههههههههههه ــــــــــــــــــــــــــــــــــــــــــــــــــ ــــــــــــــــ كود:
قريت ومليتخوف السقوط والبطاله وكل ما ازداد قرايه بالـدنيـا أزداد جهـاله **** يا طالب العلم تنداس لو يبقى علمك بضاعه تنفع وتستنفع الناس لو كنت صاحب صناعه **** يـزيد فى نـور البصيره واللى استنـارت نـواياه يلقى الدهب فى الحصـيره **** إن كـت تطلـب رضـا الله يجعـل لك الـناس عبيدك وإن كنت تطلب رضا الناس أقـلهـم يبقـى سيـدك ***** الحلـم والصـبر كنـزين روتشيلد محتـاج إليهـم واللى يقـول الكـنوز فين إبـكـى يا عيـنى عليهـم اللى يداديك داديـه واجعل عيالك عبيده واللى يعاديك عاديه روحك مهياش بإيده *********** دنيا تجاريب تجاريب تاهت فيها البصاره المعزه تجرى ورا الديب والسبع تاكله الحماره ************* الصبـر لأبأس بالصبـر لكـل مـن راح تواسى قلِّب كفوفك على الجمر حـتى تنـول الخـلاصى ************* لوكنـت خايـف مـن الله ولا مـن القـبر والـهول ما كنـت تغـتر بالجـاه والظلم والجـور والصـول ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ والبقيه تاتى ان شاء الله ارجو التوفيق للجميع |
رد: اروع ما كتب بيرم التونسى من قصائد عاميه
|
رد: اروع ما كتب بيرم التونسى من قصائد عاميه
مشكور اخي يعطيك ألف عافية
|
رد: اروع ما كتب بيرم التونسى من قصائد عاميه
والله جميلة ورائعة
رحم الله عم بيرم |
رد: اروع ما كتب بيرم التونسى من قصائد عاميه
الف الف شكر على المجهود الرائع
|
رد: اروع ما كتب بيرم التونسى من قصائد عاميه
|
رد: اروع ما كتب بيرم التونسى من قصائد عاميه
بااااااااااااااااااااااااارك الله
|
| الساعة الآن 08:06 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir