روائع صلاح جاهين
اخوانى الافاضل
اقدم لكم روائع صلاح جاهين واتمنى الاستمتاع بها خرج ابن آدم من العدم قلت ياه خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت و الا الحياه ؟ عجبى |
رد: روائع صلاح جاهين
ضريح رخام فيه السعيد اندفن
ضريح رخام فيه السعيد اندفن و حفره فيها الشريد من غير كفن مريت عليهم .. قلت يا للعجب لاتنين ريحتهم لها نفس العفن عجبي !!! |
رد: روائع صلاح جاهين
ياما صادفت صحاب و ما صاحبتهمش
ياما صادفت صحاب و ما صاحبتهمش و كاسات خمور و شراب و ما شربتهمش أندم علي الفرص اللي انا سبتهم و الا علي الفرص اللي ما سبتهمش عجبي !! |
رد: روائع صلاح جاهين
و الكون ده كيف موجود من غير حدود
و الكون ده كيف موجود من غير حدود و فيه عقارب ليه و تعابين ودود عالم مجرب فات و قال سلامات ده ياما فيه سؤالات من غير ردود عجبي !!! |
رد: روائع صلاح جاهين
أنا شاب لكن عمري ألف عام
أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! |
رد: روائع صلاح جاهين
يا باب يا مقفول ... إمتى الدخول
يا باب يا مقفول ... إمتى الدخول صبرت ياما و اللي يصبر ينول دقيت سنين ... و الرد يرجع لي مين ؟ لو كنت عارف مين أنا كنت أقول عجبي !!! |
رد: روائع صلاح جاهين
أحب أعيش ولو في الغابات
أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !! |
رد: روائع صلاح جاهين
كان فيه زمان سحليه طول فرسخين
كان فيه زمان سحليه طول فرسخين كهفين عيونها و خشمها بربخين ماتت لكين الرعب لم عمره مات مع إنه فات بدل التاريخ تاريخين عجبي !! |
رد: روائع صلاح جاهين
عجبتني كلمة من كلام الورق
عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق عجبي !!! |
رد: روائع صلاح جاهين
رقبه قزازة وقلبي فيها انحشر
رقبه قزازة و قلبي فيها انحشر شربت كاس و اتنين و خامس عشر صاحبت ناس م الخمرة تصبح وحوش و صاحبت ناس م الخمرة تصبح بشر عجبي !!!! |
رد: روائع صلاح جاهين
سهير ليالي و ياما لفيت و طفت
سهير ليالي و ياما لفيت و طفت و ف ليه راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !! |
رد: روائع صلاح جاهين
ورا كل شباك ألف عين مفتوحين
ورا كل شباك ألف عين مفتوحين و انا وانتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين عجبي !!! |
رد: روائع صلاح جاهين
نوح راح لحاله و الطوفان استمر
نوح راح لحاله والطوفان استمر مركبنا تايهه ولسه مش لاقيه بر اه م الطوفان واهين عليك يا بر ازاي تقدر تبان والدنيا غرقانه شر عجبي !! |
رد: روائع صلاح جاهين
على رجلي دم .. نظرت له ما احتملت علي رجلي دم .. نظرت له ما احتملت علي إيدي دم.. سألت ليه ؟ لم وصلت علي كتفي دم.. و حتي علي رأسي دم أنا كلي دم .. قتلت ؟ ..... والا اتقتلت عجبي !! |
رد: روائع صلاح جاهين
انا كل يوم أسمع ...فلان عذبوه
انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!! |
الساعة الآن 06:45 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir