المهندسين العرب - ثلاث خطوات لظبط مثالي لطبقك المتحرك

في عالم الاستقبال عشان توصل للضبط المثالي للطبق بتاعك في مكانك ،،مهم جدا تمشي علي تلات خطوات مهمين جدا وهم :
1-حلة بلا فتل او خبطات،،
2-معرفة ابعاد الطبق الصحيحة ،،
3-معرفة حجم وحدود تغطيتك،،
اولا حالة الحلة واحرفها بتفرق فوق ماتتخيل في الاستقبال ،،
ثانيا ضبط البعد البؤري الصحيح بناءا علي معرفة عمق وقطر صحيح للطبق ،،ومن ثم تقدر تحدد نوع مناسب من التعديلات،،
ثالثا معرفة حدود التغطية ،،يعني ماتبقاش قاعد في القاهرة وتشوف اشارة في الغربية او البحيرة وتحاول تقارن ،،دايما قارن مع اقرب حد ليك كل قمر هتلاقي تغطية شكل ،،وكل تردد هتلاقي تغطية ،،وكمان مهم جدا تكون عارف مواعيد ارتفاع وانخاض الترددات ،،،،
وزي مابقول دايما ،،محدش بيخترع الذرة ،،طبق وعدسة وتعديل = نتايج معروفة
اهتموا كتير بحالة الحلة اهم من اي حاجة ،،
حد زاد عليك في اشارة يبقي اما فرق تعديل او تغطية او قطر طبق ،،محدش بيجيب اشارة من بيته مصدر واحد ،،اي اختلاف له اسباب بديل انك دايما هتلاقي النتايج مختلفة لنفس الفني باختلاف المكان حتي لو نفس الطبق مع ان الايد واحدة ،،
انا بحاول اوصلك صورة صحيحة عشان ماتجريش ورا وهم فتلاقي نفسك خابط في حيط سد بعد تكون صرفت كتير ،،تقبلوا تحياتي ..

http://http://www.mohandsen.net/vb/a...1&d=1600545178