نبيك ما تواخذيني
نبيك ما اتوخذيني ان خف رعيني ...وراك يالي منك امعـــاي سعير
غالي علي قلبي ومـــالي عيني ... لا اتشوفني باجمل عيون صغير علي غلطتي غض النضـر وأعفيني .. وظن خاطري ديمه أبظن الخير لا اتكبر الموضوع وتجــافيني ... ولا تبتعد بالحيل في التـــفكير راك من ايدي اطير وتخـليني ... وعقلــي وراك ان كان طرت ايطير خذ اجابتي قبل الســؤال ايجيني ...علـي ما حصل مني وله تبرير نعبر علي كــونك كويت كنيني ... ومنك ارزيت وحرت كيـف اندير وريتــك متكي في الخلا خاطيني ... وميوحك أيصبن في ابيار الغـير ونا مـــن غلاك ضرير لو ترخيني ... يوم الحساب أتنال ذنـب كبير يا مـــن علي اغليت نين جنيني ... جا أبعدك في الترتيب هــو لأخير ونهون كل مالي حــوزتك تغنيني ... خير من غني ميس امعـــاك فقير المال والبنون مغير للتــــزييني ... الا الباقيات الصالحــــات ذخير ثواب وأمل من المولى اللي ناشيني ... وهــن حمد واستغفار في التفسير وانقولك انكنك اقسمت نحجر ديني ... ونبقــى علي درب الصلاح انسير تعاطف امعاي ابصيفتك طـانيني ... خاف خالقــــك يا بو غثيث غزير يا من ابقيت ابحكمت ســاقيني ... وراك همت لا جــــاوي ولا بندير وكيف كلت نارك ليش مــا تحميني .... خليته كلتني نين صرت ضرير وليش وين هيالي مشـــــا سكين ... في ألحمك ما دمك أيديـر قطير وان كان متت قبل اتروف وداويني ...... تعاني تعب في القلب وتغصوير الا انت عليك الذنب مـو واطيني ... لاجل جمالك في الاعجــاب ايثير عليك ما أيحــاسبني ولا ياذيني ... اللي له جميع الأمر والتسخيـــر يصدق كلامي جيبتــــه تعنيني ... نجيبلك حديث شريف للتذكيـــر عطاك الجمال وصبر مـو عاطيني... وهو جميل ويحب الجمال كثيــر خلقني ضعيف وسخـرك ترزيني ... ولكن رحيم وللضعيف نصيـــر للشاعر : عبدالسلام بوجلاوي |
رد: نبيك ما تواخذيني
جزاك الله كل خير
|
رد: نبيك ما تواخذيني
مشكور يا غااااااااااااااااالي علي المرور
|
رد: نبيك ما تواخذيني
جزاك الله كل خير
|
رد: نبيك ما تواخذيني
بارك الله فيك علي المرور
|
رد: نبيك ما تواخذيني
بارك الله فيك
|
الساعة الآن 09:14 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir