انا مش اد خداعك
 

انا مش اد خداعــــك ... و لاوصــلك ووداعك
انا مش لعبة ف ايدك ... ولا خاتم ف صباعك
انا مليت احزانـــــــى ... انا بعلن عصيانـــى
يمكن قلبــــــك ييأس ... من حبى وينسانى

انا مش حلم ف ليلة ... تنسيه من بعديها
ولا حدوتة جميـــــلة ... لاصحــابك تحكيها
وابقى حكاية قديمة ... ملهاش عندك قيمة
لا انا حبى كان نـزوة ... ولا حبك ده جريمة
انا مليت احزانـــــى ... انا بعلن عصيانـــى
يمكن قلبــــك ييأس ... من حبى وينسانى


انا مش شمعة ف ليلك ... بلهيب نارى اضوى لك
انا وردة ودبلــــــــــــــها ... اخلاصـــــــى لتمثيلك
انا مش ح ابقى اسيرك ... و ح دور علــــى غيرك
وح سيك للوحــــــــــدة ... لعــــــــذابك وضميرك
انا مليت احزانــــــــــى ... انا بعلن عصيانـــى
يمكن قلبـــــــــك ييأس ... من حبى وينسانى