قصيدة عشان انت مصرى .. احمد فؤاد نجم
السلام عليكم ورحمه الله وبركاته قصيدة عشان انت مصرى .. احمد فؤاد نجم http://www.up2up.com/download.php?do...2862216071.bmp http://www.up2up.com/download.php?im...2862340361.JPG عشان انت مصرى لازم تعانى وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى عشان انت مصرى العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عامللك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت عشان انت مصرى وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف مش انت اللى مصرى؟؟؟ جتك القرف |
رد: قصيدة عشان انت مصرى .. احمد فؤاد نجم
لك كل الشكر والتقدير |
رد: قصيدة عشان انت مصرى .. احمد فؤاد نجم
حتى لو محطتش صورته
المفروض نعرف انه احمد فؤاد نجم شكرا لك اخى محمود لك تحيتى |
رد: قصيدة عشان انت مصرى .. احمد فؤاد نجم
باقه ورد اقدمها لكم
شكرا لزيارتكم الكريمه |
الساعة الآن 02:48 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir