المهندسين العرب - كبسولة على الماشى

صباح الفل ع الشباب 🌹

دى اول كبسولة ليا فى القسم النهارده و ع الصبح كده ف لازم تشرب كبايه نسكافيه عشان اللي هتشوفه هنا في ١٠ نقط مش هتشوفه بره في ٢٠٠ ، ده مش غرور دي حقيقه 😎😎

أنا عايز أفضل تركيبه أقمار و سيرفر يكون من الاخر ، أنا مش عايز يفوتني ولا ماتش مهما كان
مع انك لو فكرت شويه هتلاقيك مش بتشوف حاجه بس الانانيه إللي جواك و حب الامتلاك هما السبب ، ربنا يسامحهم 😢

✅ نبدأ في ال١٠ نقط ، إللي مش هتلاقي زيهم بره 👊

👈١- لازم تبقي عارف ان توزيع البث بيعتمد علي المنطقه و اللغه ، لكن كله واحد و اللي هتشوفه باللغه العربيه علي باقه بي ان هتشوف زيه بالظبط بس بلغه بولنديه أو عبريه و ممكن فرنسيه كمان

👈٢- ده طبعا بالنسبه للبطولات اللي كل الناس بتحب تشوفها و تتابعها زي الدوريات الأوربية و العالميه ، لكن الإفريقيه مش بيهتم بيها غير دول أفريقيا و بالتالي مش هتلاقيها في أقمار اجنبيه

👈٣- العبره مش بعدد أقمار كبير كلهم بيدوا نفس المحتوي و هيتحول الموضوع لمجرد تكرار ، تكرار ممل و ملف قنوات كبير ممكن يعمل معاك مشاكل بعد كده ، متنساش إنت جايب جهاز ب ٤٠٠ جنيه مش جهاز ب ٤٠٠٠ فلو حاطط رجل علي رجل نزلها و عيش علي قدك 🙄

العبره ب أقمار تكمل بعض و فعلا يكون فيه داعي لتركيبهم سوا ، و هنا هتبقي وصلت لمفهوم صحيح لكلمه تركيبه

👈٤- الأوربي كفايه ، و هيقضي معاك الواجب و زياده.. هيجبلك الدوري الإنجليزي و الاسباني و الإيطالي و الألماني و الفرنسي و هيجبلك كأس العالم و أمم أوروبا و كأس العالم للانديه و اي بطوله محترمه بتهم كل الجنسيات بما فيهم طبعا حضرتك

بس خد بالك أنا قولت كفايه لكن مقولتش لوحده كفايه ، و ده لأنك إفريقي قبل ما تكون مصري فهتعوز تشوف بطولات ملهاش لازمه بالنسبه للعالم لكن بالنسبالك ليها لازمه و هنا اقصد مباريات أفريقيا

👈٥- طيب مباريات أفريقيا اللي مش بتهم حد غيري اعمل فيها إيه ؟ من حسن حظك أن فرنسا فيها عرب كتير و كمان افارقه بس العرب اكتر
عشان كده بي ان الفرنسيه اهتمت بمباريات أفريقيا عشان العرب إللي في فرنسا عددهم مش قليل ، ركز معايا عشان مبحبش أعيد الكلام 🙄
و ده ادالنا فرصه كويسه اننا نجيب القمر إللي فيه القنوات دي و هو استرا ١٩ عشان نقدر نشوف المباريات الإفريقيه ، بس خد بالك هو اهتمامهم في الاساس لدول شمال أفريقيا زي المغرب و تونس و الجزائر ، فممكن ماتش أو ٢ يقعوا منك لإنهم مش قاصدينك انت

👈٦- من هنا يخلي استرا ١٩ هو اكتر قمر يهمك لو عندك الأوربي لأنه فعلا بيكمله مش بيكرره ، لكن استرا لوحده من غير الأوربي قمر ناقص كتير لأنه في مصر بيجي منه ١٢٠ قناه فهو مجرد بيكمل الناقص
ممكن كمان تزود آموس مع الأوربي و استرا ١٩ ، هيبقي مكرر الأوربي في ٩٠٪ لكن ممكن لو حاجه عدت ع الأوربي تلحقها في آموس ، ده عشان الإنسان الأناني إللي جواك إللي مش عايز يسيب اي حاجه و هو مش بيشوف اي حاجه اساسا

👈٧- السيرفرات إنت مش هتحتاج غير إللي يفتحلك الأوربي و استرا ١٩ و آموس ، الفوريفر لوحده فاتح كل ده بس تجديده غالي و لازم جهاز خاص بالسيرفر

👈٨- ممكن تجمع سيرفرين زي المجيكام و ناشير و هتبقي فاتح برضه الأقمار دي بسعر أقل ، ده لو لقيت ناشير دلوقتى

👈٩- بالنسبه للأفلام و المحتوي الترفيهي لو ملكش في الرياضه ، النايل سات و oSn هيا أفضل اختيار و بعدهم علي طول الأوربي عشان فيه باقات أفضل من osn بكتير بس هتقابلك مشكله الترجمه

👈١٠- آخر نقطه و لازم تبقي عارفها أن كل ده بدايل و مشاهده غير رسميه و سعرها رمزي جدا ، فاعمل حسابك أن مش هتاخد أداء ١٠٠٪ ، بس إنت أكيد عارف ان لو خدت أداء ٩٠٪ و انت دافع ٥٪ من سعر الاشتراك الرسمي ، كده إنت كده علمت عليهم👌
وبكدة تبقى اول كبسولة خلصت .
اتمنى انى اقدرت اساعد بشى
تقبولو تحياتى
:mohndsen6:mohndsen6:mohndsen6