المهندسين العرب - تم النصب علينا من مندوبين مبيعات اجو من حضراتكم ان تقفو بجانبى فى كيفية اتخاز الاجرائات ضدهم

المهندسين العرب (http://www.mohandsen.net/vb/index.php)

- القسم القانوني (http://www.mohandsen.net/vb/forumdisplay.php?f=307)

تم النصب علينا من مندوبين مبيعات اجو من حضراتكم ان تقفو بجانبى فى كيفية اتخاز الاجرائات ضدهم

بسم الله الرحمن الرحيم
السلام عليكم ورحمة الله وبركاتة
الموضوع:
تم النصب علينا من مندوبين مبيعات وقالو انهم تبع شركة الزمرودة الدولية .
اتانا شاب الى البيت وقال ادفعو 2 جنية وهتاخذو طقم الكبيات دة وعلى حسب الكارت الموجود فية اذا كان فى الكارت طقم سرير هتدفعو 69 جنية وتاخذوة قلنا ومالة فوجدنا فى الكارت طقم سرير وقال ان هذا الكارت مميز يعنى فية خير كثير لكم كسبتم 11 جهاز ولكل نوع من الاجهزة تأمين معين كى يخرج من الشركة ويطع لة فاتورة وضمان وهذا التأمين هتاخذة تانى لما الحاجة توصل امام البيت والناس تشوفها عشان الناس تصدق ان هذة الشركة صادقة يعنى ان احنا نعملهم دعاية فى المنطقة التى نحن فيها
وايضا بشرط ان انتم تكون لاتتقاضو مرتبات تتعدى 2000جنية فى الشهر ولا يكون عندكم فلوس فى البنك تتعدى30000جنية ولا يكون عندكم حيازة زراعية تتعدى 5 افدنة قلنا لايوجد عندنا شىء من ذلك على الاطلاق ودفعنا تأمين للاجهزة 3600 جنية على ان هذة الاجهزة هتوصل غدا امام البيت فقلنا لهم اية الضمان على ذلك :
اعطونا ايصال امانة على بياض وكتب فية الاسم ورقم البطاقة 14 رقم والعنوان ووقع بنفس الاسم ثم طلبت منة ان يبصم على للايصال فبصم بجوار توقيعة ثم اطلعت على البطاقة والكارنية الاسم سليم ورقم البطاقة سليم وايضا العنوان وقمت بتصويرة بالموبايل وصورت البطاقة والكارنية ولكن البطاقة من سنة 2006 فكانت الصورة غير مطابقة تماما وكنت غير قادر على تحديد الملامح لان البطاقة من 6 سنوات تقريبا وعنوان البطاقة من محافظة الشرقية المهم اخذت ايصال الامانة والعقد ثم بعد ذلك فاجأونى طلبو منى باليل 550 مصريف شحن قالو ابعت رصيد على الموبايل ب550 جنية عشان نوصلك بكرة .
وهذا الموضوع بقالة اكثر من اسبوع ولا يصلنا شىء واغلقو التليفونات وحبة غير متاح وحبة يرد ويطلبو فلوس تانى .
اية الحل وخصوصا لوكانت هذة البطاقة مش بتعتة .
وهرفع لحضراتكم صورة الكرنية الخاص بالشركة
ارجو الافادة وشكر لكل من يدفع الظلم عن الناس
والدال على الخير كفاعلة

:moha99::moha99:

رد: تم النصب علينا من مندوبين مبيعات اجو من حضراتكم ان تقفو بجانبى فى كيفية اتخاز الاجرائات ضدهم

ارجو سرعة الرد وشكرا

رد: تم النصب علينا من مندوبين مبيعات اجو من حضراتكم ان تقفو بجانبى فى كيفية اتخاز الاجرائات ضدهم

اخى اذهب الى وزارة الداخلية وحده مكافحه النصب والاحتيال للابلاغ عن هذا الموضوع حتى يتم التحقيق فيه

رد: تم النصب علينا من مندوبين مبيعات اجو من حضراتكم ان تقفو بجانبى فى كيفية اتخاز الاجرائات ضدهم

الف شكر يا استاز / محمود ابواحمد
ولى سؤال :
هل اكتفى بتقديم بلاغ فى الدائرة التى تم النصب عليا فيها فقط وقد تم بالفعل
ام لابد ايضا من الزهاب الى وزارة الداخلية ايضا مع العلم اننى من كفر الشيخ وهل كفر الشيخ لا يوجد فيها وحدة مكافحة النص والاحتيال ام لابد من الزهاب الى القاهرة ويريت حد منكم يدنى العنوان الى فى القاهرة الخاص بوزارة الداخلية وحدة مكافحة المخدرات
وشكرا

اقتباس:

المشاركة الأصلية كتبت بواسطة محمود ابواحمد (المشاركة 4083384)

اخى اذهب الى وزارة الداخلية وحده مكافحه النصب والاحتيال للابلاغ عن هذا الموضوع حتى يتم التحقيق فيه

رد: تم النصب علينا من مندوبين مبيعات اجو من حضراتكم ان تقفو بجانبى فى كيفية اتخاز الاجرائات ضدهم

اسال عليه اخى فى محافظتك فى كفر الشيخ