|
رباعيات مصرى مع الاسف
بفخر انا بيكى ولا تفخرى بيه بعزف غناويكى غناويه منسيه خدتى كثير منى ولا يوم وهبتينى خايف اكون بلعب عسكر وحراميه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ مر الزمان وانتى معروفه وسط الكون وحضارة الملايين مرميه جو سجون وانا على السجون حارس لو لحظه خدنى النوم بحلم اكون فارس لا اكونش يوم فرعون ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ يا ام العيون ظالمه حسى دانا المظلوم خايف من الضلمه عينى ما داقت نوم راضى اندفن فيكى لو جسمى يداويكى ولا انى اعيش بكره اسمى التعيس مهموم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ سرحان فى كون غفلان يا حسره يا مليون خساره فى هناك اخويا جعان واطفال ترمى الحجاره ملايين كتير بتضيع فى قمار وخماره صحيتنى لسعه نار فى صوابعى كانت سيجاره ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ |
رد: رباعيات مصرى مع الاسف
ياعم والله 00 بحروفى ماضاهى 00 نقطه م الزينى
وإن كنت ****** 00 أو حتى سودانى 00 أو (يانج ) م الصين وإن كنت أهلاوى 00ولا زملكاوى 00 من شعرك اشجينى -------------------------------- أخى العزيز كل أعمالك أتشرف بحفظها على سطح مكتبى أنتظر القادم إن شاء الله 000 تجعلوننى أرتجل شعرا بالعامية رغم كتابتى بالفصحى أخوك / إبراهيم العدل |
رد: رباعيات مصرى مع الاسف
اقتباس:
فى ابيات قليله الا انك لم تعطى للسهو مجالا او الخطأ الذى لا يعاب عليه مكانا وجعلت من نظم حروفك تناسق وموضوع وفكره وبيان احيك شاعرنا المبدع واشكر تلك الاطلاله الجميه البدعيه كم اتمنى لو كل صباح اقراء لك ولو بيتا واحدا دمت بود ودام صوتك شعرا http://sl.glitter-graphics.net/pub/2...a9ujzl9w3d.gif |
رد: رباعيات مصرى مع الاسف
طناجر الضان ترياق من العلل وأصحن الرز غيها منتهى أملي أملي غداء وأكلي في العشاء على حد سوى إذا اللحم السمين قلي أريد أكلا نفيسا أستعين به على العبادات والمطلوب من عملي والدهر يفجع قلبي من مطاعمه بالعدس والكشك والبيسار والبصل |
رد: رباعيات مصرى مع الاسف
عمنا نجم بيقول عشان انت مصرى لازم تعانى وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى عشان انت مصرى العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عامللك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت عشان انت مصرى وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف مش انت اللى مصرى؟؟؟ جتك القرف |
رد: رباعيات مصرى مع الاسف
اقتباس:
وبعدين يا عم جواك شاعر عاميه رهيب ساخر ما تطلعه للنور وخد دى منى بقى فصحى واللى يجرا يجرا الحق اشهد اننى احيا بفكر منحنى ومن البلاهة امتلك قدرا اعيش به غنى اما الغباء فأدخر والجهل كنز اقتنى |
رد: رباعيات مصرى مع الاسف
اقتباس:
حبيبى هشام مش بعرف ارد على كلامك الجميل يكفينى دخولك مشاركتى لاننى دائما اعتز برأيك فى اعمالى |
رد: رباعيات مصرى مع الاسف
اقتباس:
استاذ فارس الف شكر ليك لتشريفك عملى وبعدين يا عم انت رادد عليه بشعر اين انا منه احمد فؤاد نجم من احب الشعراء لقلبى لانه دئما بيتكلم عن المواطن المصرى المطحون وانا اصبحت قضيتى وشغلى الشاغل قضيه الانتماء كيف نشعر اننا ننتمى لهذا الوطن المنهوب المسلوب الذى لانملك منه سوى الكنيه مصرى وما تقولش ايه اديتنا مصر |
رد: رباعيات مصرى مع الاسف
مشكووووووووووووووووووووورا ساتاذ هانى يا شاعر يا كبير عمل رائع
|
رد: رباعيات مصرى مع الاسف
اقتباس:
الف شكر ليك انت على المرور |
رد: رباعيات مصرى مع الاسف
مشكورررررررررررررررررر
|
| الساعة الآن 03:41 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir