اريد حلا

[وشوشني]

اولا اقدم شكري للمسئولين عن المنتدي واتمني منهم مد يدي العون لي
انا جاهل تماما بعالم الدش وحاصلت اخيرا علي كارت ستلايت twinhandtv sat-pro وهو مجنيني حيث انه لا يعرف اكثر من قمر ولا أعلم كيفيه التعامل معه الا من خلال الشرح المورفق مع الكارت واريد انا اتعلم كيفيه فتح قنوات art & الشوتيم وللعلم لا اعلم اي من لغات التعامل في الدش مثل المصطلحات المستخدكه في الدش

ومني لكم جزيل الشكر اخوكم الجاهل بين يديكم وشوشني

[mido_lordship]

السلام عليكم يا اخي
نوشوشك مانوشوشكش ليه هو احنا صغيرين
سنتناول تفصيل مشاركتك خطوة خطوة لتكون سهل عليك تفهم ما اقوله ويارب اقدر اوصلك المعلومة بشكل كويس وان كان في اي استفسار تاني لاتترد ابدا بالسوال
نبدأ ::

اول نقطة ذكرتها(وحاصلت اخيرا علي كارت ستلايت twinhandtv sat-pro )
اذا كان twinhan 1027 الاحمر الجديد اللي يباع بالاسواق المصرية هنشغله علي برنامج اسمه dvbdram1.3c عشان ماتواجهكش مشاكل بالتعريف وان كان موديل تاني من التوينهان القديم استخدم اي برنامج عرض اخر عادي جدا مفيش مشاكل وللعلم dvb dream 1.3c برنامج كويس انا نفسي استخدمه فيه كل اللي انت ىعاوزه

اولا تقوم بتعريف الكرت عادي جدا من الاسطوانة المرفقة معه تستيب عادي خالص

بعد كده لازم تستخدم برنامج عرض غير اللي مرفق مع اسطوانة الكرت لانه لايفك التشفير

برامج العرض اللي تشتغل معاك كويس وتفكلك التشفير منها
dvb dream 1.3c
progdvb
my theatre
وغيرها كتير

ممكن ننقي واحد بس دلوقتي نستخدمه ونشرح عليه
الدريم dvb dream

التحميل من هناااااااااا (file:///F:/satnet/downloads/dvbdreamsetup_v13c.exe)

رابط تاني هنااا (http://www.nadvb.com/dvbdream/dvbdreamsetup_v13c.exe)

هناااااااااااااا تلاقي الشرح بالتفصيل (http://www.mohandsen.com/vb/showthread.php?t=38771)


كده انتهينا من اول نقطة وهي برنامج العرض اللازم لفتح التشفير
النقطة التانية لفتح التشفير (فكرة مبسطة ) في الرسيفرات العادية عشان تفتح التشفير لازم تحط كامة وكارت يفتحوا لك الشفرة او تنزل سوفت وير جديد فاتح الشفرة في كروت السات بدل كده بنزل برنامج صغير قوي (بنسمسه محاكي كامات لفك التشفير ) بيتحط جوة برنامج العرض مثلا هنا ال dvbdream 1.3c عشان يفك الشفرات وتنزل ملف فتح الشفرات من فترة للتانية مثلا يوميا او يوم اه ويوم لا وهكذا وتحطه في نفس المكان اللي هتحط فيه المحاكي لفك الشفرات (نفس الفولدر جوه برنامج العرض )
مثلا هنا برنامج العرض الدريم هنحط المحاكي والشفرات جوة فولدر ( c:\dvbdream\plugin\pip00)

والمحاكيات المشهورة والمهمة 2
الاول vplug حمل اخر اصدار منه هناااااااااا (http://www.mohandsen.com/vb/showthread.php?t=44665)

وشرح استخدامه بالتفصيل وباحتراف انشاء الله هنااااااااا (http://www.mohandsen.com/vb/showthread.php?t=39545)

الثاني اسمه s2emu
حمله من هنااااااا (http://www.mohandsen.com/vb/showthread.php?t=43330)
وطريقة استخدامه مبسطة جدا حطه زي ما اتفقنا في مان البلجن اللي وضعت فيه المحاكي vplug

ثم عن طريق برنامج العرض اذهب الي plugin ثم هيظهر لك المحاكي s2emu شغله active

وبكده نكون انتهينا خالص من موضوع فك التشفير


النقطة التانية في موضوعك (وهو مجنيني حيث انه لا يعرف اكثر من قمر ولا أعلم كيفيه التعامل معه ) هتلاقي الحل في شرح استخدام برنامج الدريم

النقطة الثالثة في مشاركتك (واريد انا اتعلم كيفيه فتح قنوات art & الشوتايم )
اخي الحبيب الارتي والشوتايم مقفولة علي نوع من الشفرة اسمه irdeto2 هذه الشفرة العنيدة غير مكسورة حتي الان
ابسطهالك يعني ماينفعش تشوفها غير باشتراك رسمي او حاجة اسمها المشاركة بالمشاهده (الشيرنج ) غالبا برده بتكون بفلوس لكن بفلوس اقل طبعا من الاشتلااك الرسمي لمعرفة المزيد عن هذذذذا الموضوع اتجه لقسم الشيرنج والايبي من هنااااااا (http://www.mohandsen.com/vb/forumdisplay.php?s=&daysprune=&f=219)

وبكده نكون تقريبا فصصنا السوال بتاعك وجوبناه ياريت اكون اقدرت افهمك قصدي واي استفسار اخر انا معاك
سلااااااااااام مع خالص تحياتي

[samer75]

شرح مفصل مشكور جدا

[yousif11]

مشككككككوووووووووووووووووووووورررررررررررررررررررر رررر

[محمد صفوت]

مشكورررررررررررررررررررررررررررر
:mohndsen: