هشام زايد
22/11/2008, 03:22 PM
المعتقل
(1)
المكان ..المعتقل,الزمان..مش مهم
الشاويش عطاالله يطرق باب الباشا بكل ادب......
الباشا:ادخل
يقترب عطاالله من مكتب الباشا وبعد التحية وصباح الخير
عطاالله:يا باشا فى موضوع كدة مش عارف اقولة لسعادتك ازاى
الباشا(يعبث فى احد الادراج و يظهر عدم الاهتمام):خير
عطاالله:واحد معتقل يا افندم......
الباشا(مازال يعبث):مال (........)"كلام محذوف"
عطاالله:عامل مصيبة يا افندم
الباشا(ينظر لعطاالله):عمل اية ال(........)"كلام محذوف"
عطاالله:بيضحك وهو نايم (يقف الباشا ويضع يدية على المكتب)يكمل عطاالله: احنا مش
مقصرين والله يا افندم
الباشا:نعم يا (........)"كلام محذوف"..انت عارف الكلام ده معناة اية؟
عطاالله يقف لايستطيع الرد
يكمل الباشا بصوت عال:معناة ان المعتقل دة يقفل احسن ونقلبة فندق بقى..
عطاالله:احنا عملنا كل المحاولات..بس مش قادرين نغيرة
ينتهى الحوار ببهدلة عطاالله
(2)
الباشا يجلس وحيدا يفكر فى حل للمشكلة التى قد تؤدى تأخر ترقياتة وتقلل من شأنة المهنى
,يتوجه لعنبر المعتقل المذكور فى ساعة متأخرة من الليل يجد ما سمعة حقيقة كل المعتقلين نائمين
فى ثبات كالموتى الا واحد يبتسم طوال الوقت ويقهقه احيانا.
وبعد تفكير عميق يصل الباشا للحل,يقول فى نفسة:مفيش غير الشيخة فتحية..سرها باتع
وكل مشكلة لها حل عندها....
يأمر بايقاذ عطاالله واحضارة من الاستراحة الخاصة بالعاملين داخل المعتقل....
الباشا:تقب تغصس تجيبلى الشيخة فتحية
يهم بكتابة امر اعتقال بسبب اشتراكها فى اى احداث شغب وقلقلة الامن العام..
عطاالله:بس يا افندم..حضرتك الشيخة فتحية فى قضية الشعوذة الاخيرة طلعت منها لان
معاها جنسية اوروبية
الباشا(يقطع الامر الذى لم يوقع بعد):طب هنجيبها ازاى يا فالح
يثور الباشا ويبهدل عطاالله
(3)
يقف الباشا فى طابور طويل امام مكتب الشيخة فتحية,يدخل بعد ساعتين او اكثر يجلس امام
الشيخة التى تجلس على مكتبها الفخم و ترتدى جلباب اخضر من الحرير و طرحة تظهر من
شعرها اكثر مما تستر تقف بجوارها مساعتدها وماشطتها وخليفتها مستقبلا نادية وترتدى ملابس
تشبة الشيخة لكن من اقمشة ارخص .
يحكى الباشا القصة بكل صراحة
الشيخة:اذا عرف السبب بطل العجب ..محلولة ان شاء الله
الباشا:ان شاء الله
الشيخة:بس احنا عايزين الشخص ده هنا (توافقها نادية بهز الرأس)
الباشا:ده مستحيل يا حاجة..ده مسجون وعشان يطلع لازم اجراءات معقدة وانت عارفة
القانون..لو تييجى حضرتك اسهل
الشيخة:كان على عينى..بس الاجهزة اللى هنستخدمها مينفعش تروح..وبعدين سيادتك ابو
القانون..
(4)
وفى منتصف الليل العساكر يحملون المعتقل وهو نائم ويصعدون سلالم مكتب الشيخة بهدوء حتى
لا يفيق لان شرط جلسة العلاج ان يكون نائم.
الشيخة تفحص الحالة وتتعجب وتشير لنادية ببدء العمل,نادية تحضر البلورة التى تقرأ الافكار
وتلصق اسلاكها فى مناطق محددة فى رأس المعتقل,دقائق قليلة ويظهر الحلم على البلورة...
حفل كبير فى قصر فخم,كل الحضور يرقصون ازواجا على انغام احد المقطوعات العالمية,
صاحب الحفل يبحث عن فتاه يراقصها,كل السيدات يتطلعن الى ان يراقص بناتهن,واخيرا تقع
عينة على اجمل البنات ..اجمل البنات هى المعتقل ,الموضوع كبير المعتقل يرى نفسة فتاه
فى الحلم هذة ظاهرة قد يحتار فيها مفسرين الاحلام المنتشرين على القنوات الفضائية وكل الستات
المتابعات لهذة البرامج ,المهم الشاب نجم الحفل يطلبها للرقص وسط نظرات غيرة من باقى
البنات والشباب,يستمر الرقص حتى تدق الساعة الثانية عشرة,يتغير وجه الفتاه وتترك المكان
وتهرع بسرعة تاركة وراءها حذائها,يحاول الامير لحاقها دون جدوى .....
الباشا:الله!!دى قصة سندريلا!
الشيخة:ايوة ..بس مش فاكرة حصل اية فى الاخر؟
الباشا:انا فاكر ..شوفيلى طريقة اخش بيها الحلم
الشيخة:تخش لية ..انا هعملة شوية جلسات وهيخف خلال شهرين باذن الله
الباشا:يا حاجة ده علاجة عندى..مش هستنى شهرين
وبعد مداولات حول التكلفة,توافق الشيخة ويوافق الباشا
(5)
فى اليوم التالى يدبر الباشا المبلغ من بونات البنزين و وجبات العساكر ..نادية تعد الترتيبات
للباشا والمعتقل معا فى وصلة واحده ...يدخل الباشا الحلم
داخل احد صالونات القصر يجلس الامير وحولة حراسة ومساعدية ,الباشا بتاعنا واحد منهم,
الامير يمسك الحذاء ويسألهم البحث عنها,يقترح الباشا تول الموضوع ويوافق الجميع.
الباشا يبحث فى كل الطرقات وداخل كل المنازل عن اميرة المستقبل المفقودة,يرافقة المساعدين
..والحذاء,يستدعى الفتيات ويطابق الحذاء لكن دون جدوى,اخيرا يصل الباشا لمنزل اميرتنا
وبعد لقاء مع زوجة ابيها التى حاولت اخفائها عنة حتى لاتأخذ حظ بناتها,لبست اميرتنا الحذاء
وسط فرحة المساعدين لانتهاء المهمة.
يطلب الباشا من الاميرة خلع الحذاء والتوجة معه على الفور للامير المنتظر,يتناول الباشا الحذاء
وينزل بة على دماغ المعتقل ..ضربا مبرحا وهو يقول:بتضحك يا (....)"كلام محذوف"
نادية تسحب الاسلاك بعد انتهاء المهمة......ولم يضحك بعدها المعتقل...
انتهت
(1)
المكان ..المعتقل,الزمان..مش مهم
الشاويش عطاالله يطرق باب الباشا بكل ادب......
الباشا:ادخل
يقترب عطاالله من مكتب الباشا وبعد التحية وصباح الخير
عطاالله:يا باشا فى موضوع كدة مش عارف اقولة لسعادتك ازاى
الباشا(يعبث فى احد الادراج و يظهر عدم الاهتمام):خير
عطاالله:واحد معتقل يا افندم......
الباشا(مازال يعبث):مال (........)"كلام محذوف"
عطاالله:عامل مصيبة يا افندم
الباشا(ينظر لعطاالله):عمل اية ال(........)"كلام محذوف"
عطاالله:بيضحك وهو نايم (يقف الباشا ويضع يدية على المكتب)يكمل عطاالله: احنا مش
مقصرين والله يا افندم
الباشا:نعم يا (........)"كلام محذوف"..انت عارف الكلام ده معناة اية؟
عطاالله يقف لايستطيع الرد
يكمل الباشا بصوت عال:معناة ان المعتقل دة يقفل احسن ونقلبة فندق بقى..
عطاالله:احنا عملنا كل المحاولات..بس مش قادرين نغيرة
ينتهى الحوار ببهدلة عطاالله
(2)
الباشا يجلس وحيدا يفكر فى حل للمشكلة التى قد تؤدى تأخر ترقياتة وتقلل من شأنة المهنى
,يتوجه لعنبر المعتقل المذكور فى ساعة متأخرة من الليل يجد ما سمعة حقيقة كل المعتقلين نائمين
فى ثبات كالموتى الا واحد يبتسم طوال الوقت ويقهقه احيانا.
وبعد تفكير عميق يصل الباشا للحل,يقول فى نفسة:مفيش غير الشيخة فتحية..سرها باتع
وكل مشكلة لها حل عندها....
يأمر بايقاذ عطاالله واحضارة من الاستراحة الخاصة بالعاملين داخل المعتقل....
الباشا:تقب تغصس تجيبلى الشيخة فتحية
يهم بكتابة امر اعتقال بسبب اشتراكها فى اى احداث شغب وقلقلة الامن العام..
عطاالله:بس يا افندم..حضرتك الشيخة فتحية فى قضية الشعوذة الاخيرة طلعت منها لان
معاها جنسية اوروبية
الباشا(يقطع الامر الذى لم يوقع بعد):طب هنجيبها ازاى يا فالح
يثور الباشا ويبهدل عطاالله
(3)
يقف الباشا فى طابور طويل امام مكتب الشيخة فتحية,يدخل بعد ساعتين او اكثر يجلس امام
الشيخة التى تجلس على مكتبها الفخم و ترتدى جلباب اخضر من الحرير و طرحة تظهر من
شعرها اكثر مما تستر تقف بجوارها مساعتدها وماشطتها وخليفتها مستقبلا نادية وترتدى ملابس
تشبة الشيخة لكن من اقمشة ارخص .
يحكى الباشا القصة بكل صراحة
الشيخة:اذا عرف السبب بطل العجب ..محلولة ان شاء الله
الباشا:ان شاء الله
الشيخة:بس احنا عايزين الشخص ده هنا (توافقها نادية بهز الرأس)
الباشا:ده مستحيل يا حاجة..ده مسجون وعشان يطلع لازم اجراءات معقدة وانت عارفة
القانون..لو تييجى حضرتك اسهل
الشيخة:كان على عينى..بس الاجهزة اللى هنستخدمها مينفعش تروح..وبعدين سيادتك ابو
القانون..
(4)
وفى منتصف الليل العساكر يحملون المعتقل وهو نائم ويصعدون سلالم مكتب الشيخة بهدوء حتى
لا يفيق لان شرط جلسة العلاج ان يكون نائم.
الشيخة تفحص الحالة وتتعجب وتشير لنادية ببدء العمل,نادية تحضر البلورة التى تقرأ الافكار
وتلصق اسلاكها فى مناطق محددة فى رأس المعتقل,دقائق قليلة ويظهر الحلم على البلورة...
حفل كبير فى قصر فخم,كل الحضور يرقصون ازواجا على انغام احد المقطوعات العالمية,
صاحب الحفل يبحث عن فتاه يراقصها,كل السيدات يتطلعن الى ان يراقص بناتهن,واخيرا تقع
عينة على اجمل البنات ..اجمل البنات هى المعتقل ,الموضوع كبير المعتقل يرى نفسة فتاه
فى الحلم هذة ظاهرة قد يحتار فيها مفسرين الاحلام المنتشرين على القنوات الفضائية وكل الستات
المتابعات لهذة البرامج ,المهم الشاب نجم الحفل يطلبها للرقص وسط نظرات غيرة من باقى
البنات والشباب,يستمر الرقص حتى تدق الساعة الثانية عشرة,يتغير وجه الفتاه وتترك المكان
وتهرع بسرعة تاركة وراءها حذائها,يحاول الامير لحاقها دون جدوى .....
الباشا:الله!!دى قصة سندريلا!
الشيخة:ايوة ..بس مش فاكرة حصل اية فى الاخر؟
الباشا:انا فاكر ..شوفيلى طريقة اخش بيها الحلم
الشيخة:تخش لية ..انا هعملة شوية جلسات وهيخف خلال شهرين باذن الله
الباشا:يا حاجة ده علاجة عندى..مش هستنى شهرين
وبعد مداولات حول التكلفة,توافق الشيخة ويوافق الباشا
(5)
فى اليوم التالى يدبر الباشا المبلغ من بونات البنزين و وجبات العساكر ..نادية تعد الترتيبات
للباشا والمعتقل معا فى وصلة واحده ...يدخل الباشا الحلم
داخل احد صالونات القصر يجلس الامير وحولة حراسة ومساعدية ,الباشا بتاعنا واحد منهم,
الامير يمسك الحذاء ويسألهم البحث عنها,يقترح الباشا تول الموضوع ويوافق الجميع.
الباشا يبحث فى كل الطرقات وداخل كل المنازل عن اميرة المستقبل المفقودة,يرافقة المساعدين
..والحذاء,يستدعى الفتيات ويطابق الحذاء لكن دون جدوى,اخيرا يصل الباشا لمنزل اميرتنا
وبعد لقاء مع زوجة ابيها التى حاولت اخفائها عنة حتى لاتأخذ حظ بناتها,لبست اميرتنا الحذاء
وسط فرحة المساعدين لانتهاء المهمة.
يطلب الباشا من الاميرة خلع الحذاء والتوجة معه على الفور للامير المنتظر,يتناول الباشا الحذاء
وينزل بة على دماغ المعتقل ..ضربا مبرحا وهو يقول:بتضحك يا (....)"كلام محذوف"
نادية تسحب الاسلاك بعد انتهاء المهمة......ولم يضحك بعدها المعتقل...
انتهت